የልደታ ክፍለ ከተማ ወረዳ 06 የብልጽግና ፓርቲ ጽ/ቤት የ2018 በጀት ዓመት የ5 ወራት የሥራ አፈጻጸም ግምገማና ቀጣይ የሚካሄደው ሀገራዊ ምርጫ ሰላማዊና ዴሞክራሲያዊ እንዲሆን በሚያስችሉ ምቹ ሁኔታዎች ዙሪያ ሰፊ ውይይት አካሄደ። የ5 ወራት የሥራ አፈጻጸም ግምገማ በውይይቱ መጀመሪያ ላይ ባለፉት 5 ወራት በፖለቲካዊ፣ ማኅበራዊና ኢኮኖሚያዊ ዘርፎች የተከናወኑ ተግባራት በዝርዝር ቀርበዋል። የፓርቲውን መዋቅር እስከ ታችኛው እርከን የማጠናከር፣ የአባላትን ግንዛቤ የማሳደግና በልማት ሥራዎች (እንደ ኮሪደር ልማትና ኢኒሼቲቭ ፕሮጀክቶች) ላይ የነበረው የተቀናጀ አመራር በጥንካሬ ተነስተዋል። አንዳንድ የአደረጃጀት ሥራዎችን ከወቅታዊ የሕዝብ ጥያቄዎች ጋር ይበልጥ የማቀናጀት አስፈላጊነት ላይ ግምገማ ተደርጓል። የ2018 ምርጫ ዝግጁነትና ምቹነት የወረዳው ፓርቲ ጽ/ቤት ኃላፊዋ ወይዘሮ ዮዲት ሰሎሞን በመጪው 2018 ዓ.ም. የሚካሄደው ምርጫ ሰላማዊ፣ ነጻና ፍጹም ዴሞክራሲያዊ ሆኖ እንዲጠናቀቅ ፓርቲው ከፍተኛ ኃላፊነት እንዳለበት አሳስበዋል። የፖለቲካ ምኅዳሩን ለሁሉም እኩልና ምቹ የማድረግ፣ የዜጎችን የመምረጥ መብት የማክበርና ሰላማዊ የውድድር መንፈስ እንዲሰፍን የፓርቲው መዋቅር በኃላፊነት እንዲሠራ አቅጣጫ ተሰጥቷል። ኅብረተሰቡ በምርጫው ሂደት ላይ በንቃትና በነጻነት እንዲሳተፍ የሚያስችል ግንዛቤ የመፍጠር ሥራ በትኩረት እንደሚከናወን ተገልጿል።